إزاى تخس اخر 5 كيلو يا فورما - يلافورما
الرئيسية » تمارين لياقة » إزاى تخس اخر 5 كيلو يا فورما

إزاى تخس اخر 5 كيلو يا فورما

إزاى تخس اخر 5 كيلو يا فورما

اخر كام كيلو اللى هما حوالى من 3-5 كيلو، بيكونوا اخر حاجة متخزنة فى الجسم، وهما موجودين علشان يضمنوا بقائنا فى الحالات الخطيرة والطارئة وكمان فى حالة المجاعة. وجود الدهون المختزنة كان حاجة مهمه، وكانت بتحدد مصيرنا سواء حنعيش او نموت، بس دلوقتى، معظمنا مش محتاج الدهون المختزنة دى لأن الأكل متوفر وفى اماكن دافئه للسكن.

دلوقتى، احنا عايزين نتخلص من الوزن الزيادة لأنه مش ضرورى لبقائنا، والدهون المختزنة دى عبارة عن الوقود اللى احنا بنستخدمه علشان نتحرك، وأول ما توصل لى حاجة اسمها "الوزن المريح" وكلنا عندنا ده، الوزن ده لما تكون مش سمين او نحيف، لما توصل للوزن ده جسمك بيتحدى كل حاجة انت بتعملها، والتمارين المعتاد تعملها لحد دلوقتى مش حتجيب نتيجة، لان جسمك اتأقلم وبقى يحرق على اقل ما يقدر وبيخزن اى حاجة زيادة انت بتاكلها، وده الأسلوب الأمن بالنسبة لجسمك.

علشان كده لازم تضغط على جسمك شوية علشان تجبرة انه يحرق الدهون المتخزنة ويفضى الخلايا الدهنية، بس ما تضغط جامد علشان ما تخوفش جسمك، الموضوع صعب بس مهم، لو أنت ضغطت جامد على نفسك علشان تحصل على نتيجة سريعة، وتبدأ دايت قاسي مش حتعرف تحافظ على الوزن اللى انت وصلتله واول ما ترجع للايف استايل القديم مش حيرجع وزنك زى الأول ده كمان حيزود من رقم الوزن المريح فى حالة وجود اخطار فى المستقبل (بمعنى الدايت التانى).

لو انت عايز تتخلص نهائيا من الدهون المختزنه لازم تغيير اللايف استايل بتاعك للأبد، بمعنى المفروض اللايف استايل بتاعك يكون مليان حركة ونشاط وتكون اكثر وعياً بالأكل اللى انت حتأكله طول الوقت.

فى طريقتان علشان تتخلص من الدهون:

  • انك تجوع نفسك علشان تتخلص من الدهون المتخزنة
  • أو تزود من مستوى التمرين

المفروض تعمل الطريقتان مع بعض من غير ما تبالغ فى الموضوع.

إزاى تخس اخر 5 كيلو يا فورما

علشان تكون فى الصورة، اول ما توصل للوزن اللى جسمك مستريح فيه وانت لسه عايز تنقص من وزنك، انت دلوقتى محتاج تبذل مجهود اكتر وتكون ذكى كمان، لأن الحاجات اللى انت عملتها قبل كده مش حتديك اى نتيجة، طب حتعمل ايه دلوقتى؟

  • أول حاجة انت محتاج تنوع فى التدريب علشان تشتت جسمك شوية علشان ما يتأقلمش مع البرنامج.
  • احسن حاجة انك تبتدى بتدريب HIIT.
  • اتنازل عن الحاجات الزيادة فى المنيو، زى شريحة عيش أو تأكل سكريات بس فى اخر الأسبوع أو ما تأكلش فاكهه بالليل.
  • لو انت بتجرى، ابدأ بجرى مسافات طويلة أو جرى على المرتفعات.
  • اعمل تمرين جديد، وضيف 10 دقائق زيادة واعمل تمرين مختلف.
  • غير الروتين بتاعك بالكامل لفترة معينة.

 

حط فى الأعتبار يا فورما ان جسمك حيحاول دايماً انه يرجع وزنك القديم تانى، اول ما تسترخى وترجع للايف استايل القديمة لما كنت بتاكل اكتر وبتتحرك اقل وعلشان كده بيرجع وزنك تانى، دى حاجة مش حتقدر تغيرها، لان جسمك مخلوق كده.

افتكر دايماً انك بتعلم جسمك وتقوله ان الدهون المتخزنة دى مش ضرورية، وعلشان تقول لجسمك كده بيكون عن طريق تغيير اللايف استايل بتاعك، لأنه هو وسيلة التواصل بينكم.

التعليقات

التعليقات

الصعود لأعلى