أيه المفروض تعمله فى أيام الراحة - يلافورما
الرئيسية » تمارين لياقة » أيه المفروض تعمله فى أيام الراحة

أيه المفروض تعمله فى أيام الراحة

أيه المفروض تعمله فى أيام الراحة

عضلاتك يا فورما بتحتاج وقت علشان تتعافى بطريقة صحيحة قبل ما تتمرن السيشن التانية، عضلاتك ممكن تتعافى لما تنام كويس، فى الواقع أنت ممكن تتمرن كل يوم، لو أنت ما زوتش فى تمرين عضلة معينة وما ضغطش عليها كذا يوم ورا بعض، احسن وأسرع طريقة انك تخلى اللياقة جزء من اللايف استايل بتاعك أنك تتمرن كل يوم مع التركيز على عضلات مختلفة.

المشكلة مع أيام الراحة، اللى مش بتعمل اى تمرين فيها، بيدى فرص اكتر انك ما تكملش وتيأس، زى ما قولنا قبل كده اللياقة فى المخ، اللياقة بتبتدى وتنتهى هناك، فلو أنت اخدت يوم واحد من غير ما تعمل اي تمرين حيكون اخر يوم ليك فى اللياقة، لأن أول ما توقف، حيكون صعب أنك ترجع تانى.

لو أنت جريت قبل كده، حتعرف اد ايه صعب أنك تجرى تانى بعد ما أنت وقفت جريك (يفضّل أنك تقلل سرعتك من غير ما تخسر قوة الدفع عن انك تاخد راحة)، النظرية دى موجودة مع التدريب، فبدل ما تاخد راحة ممكن تعمل التمارين دى فى أيام الراحة زى تمرين الـstretching او اليوجا، اتمشى مشى خفيف أو أتمرن بالأرقام على مدار اليوم، مهم قوى للفورم اللى لسة مبتديين التدريب انهم يواظبوا على البرنامج أطول فترة ممكنه.

مش مهم اللى أنت بتعمله، المهم أنك ما توقفش التدريب، فى طرق تانية علشان عضلاتك تستريح وتتعافى:

  • نام فترة أطول (9 ساعات)
  • خليك رطب
  • زود من اكلك للبروتين (قبل وبعد التدريب)

مش حتأخد يوم راحة كامل لو أنت ما زودتش فى تدريب العضلة، خلى مستوى التدريب متوسط خلى التدريب فى تحدى بس فى نفس الوقت ما يكونش صعب قوى وتحس بألالام تانى يوم، لو لاقيت جسمك وجعك، اتمشى وحيتحسب من التدريب.

كل اللى أحنا نعرفه دلوقتى أن التدريب صعب ومش مريح، فصعب انك تواظب عليه خصوصاً لو اخدت أيام راحة ، فخفف الحمل على عضلاتك وانت بتتمرن، ما فيش حد بيعمل 100% فى التمرين كل يوم، بس أنت ممكن تعمل 60% بنتظام و100% على فترات.

دلوقتى، معظمنا مش بيتحرك كفاية، لأنننا بنروح اى حته بالعربية وبنقعد على مكتب فى الشغل وبعدين نقعد ادام التليفزيون، فالموضوع مش اننا نستاهل ايام الراحة، الموضوع ان الراحة اللى احنا عايزنها معظمنا وخدها اكتر من اللازم.

كلنا بنعافر فى الأول بس الفورم اللى بيكملوا حيتعودوا على الرياضة وتصبح بالنسبالهم ممتعة ومسلية.


التعليقات

التعليقات

الصعود لأعلى