أيه الأحسن الأجهزة الرياضية او تدريب الـBodyweight - يلافورما
الرئيسية » تمارين لياقة » أيه الأحسن الأجهزة الرياضية او تدريب الـBodyweight

أيه الأحسن الأجهزة الرياضية او تدريب الـBodyweight

أيه الأحسن الأجهزة الرياضية او تدريب الـBodyweight

كل التدريبات فعالة يا فورما سواء كانت تدريب الـBodyweight أو رفع الـweights أو اجهزة رياضية خاصة فى الجيم، كل التمارين فعالة بس لو أنت فعلاً عملتها وعملتها بأنتظام، واتحدت نفسك كل ما بقى التمرين سهل، بالطريقة دى انت حتتقدم وكمان جسمك حيتغيير ويكون كمان عندك لياقة عالية.

أيه الأحسن الأجهزة الرياضية او تدريب الـBodyweight

 

لما يجى الموضوع عن التدريب مافيش تدريب أحسن من تدريب، لأنه كل بيعتمد على ظروفك واللى يناسبك:

  • لو أنت عايز نتائج سريعة وتحصل على عضلات أكبر، فتدريب رفع الـweights مناسب ليك.
  • لو انت مش غاوى رفع الـweights أو ماعندكش weights او ما تقدرش تشترك فى الجيم فتدريب الـ Bodyweight مناسب ليك.
 

التدريب بالاجهزة الرياضية بيعمل حاجتين مستقلين عن بعض:

  • هى بتركز على مجموعة عضلة واحدة بس (زى الباي سيبس).
  • كمان بيخدع جسمك بأن مجموعة العضلة هى المخصصة بس لرفع الوزن.

 

الجسم بيستجيب ببناء قوة وحجم فى مجموع العضلة = بالتالى تحصل على عضلات أكبر.

 

لأن اجهزة الجيم بتركز على مجموع عضلة معينه وبس فبتلاقى نتيجة سريعة وملحوظة، بس مش بتقدر تعمل بناء متوازن لمجموع العضلات اللى بيتمرنوا بتناغم ومع بعض علشان تبنى قوة وصلابة حقيقية، ممكن تلاحظ الفرق لو شوفت صراع بين الملاكم والـbodybuilder. حتلاقى ان الـbodybuilder عنده عضلات بارزة جداً وبس، اما الملاكم عنده قوة حقيقية وهائلة كمان.

لأن تدريب الـbodyweight بيخليك تمرن اكتر من عضلة فى نفس الوقت عكس التمارين اللى بتركز على عضلة معينة، مثلاً زى تمرينة الـpush-ups بتركز على الدراع (التراي سيبس) وفى نفس الوقت بتمرن عضلة الصدر (لو انت زودت فى الضغط) والباي سيبس والظهر والبطن والرجل الأمامية.

 

تمرين واحد من الـbodyweight = تمرين كامل للجسم.

 

الجيم مختلف عن تدريب الـbodyweight، انك بتحتاج تتمرن على كذا جهاز علشان تمرن عضلات كتيرة، وبتاخد وقت أطول وكمان شكل العضلات مش حيكون متناسق.

 

رفع الـweights بيكون اسهل بس بردو بيركز على عضلة معينة ومافيهوش تحدى زى تدريب الـbodyweight، رفع الـweights بيعتبر فعال لأنه بيدى نتائج سريعة وملحوظة فى الجزء العلوى من الجسم، اللى ممكن كل الناس تشوفوا وتلاحظوا، والسبب فى الموضوع هو حركة السحب (الرفع) اللى بتحتاج التركيز على عضلات الظهر والباي سيبس بس اللى بتخلى الجزء العلوى من الجسم ملحوظ قوى، احسن تمرين للـbodyweight اللى بيحقق نفس النتيجة هما تمرينة الـpull-ups وتمرينة الـchin-ups ولو انت جربت الأتنين او واحد منهم قبل كده، حتفهم هم لية معظم الفورم مش بتحبهم، بس حيفضلوا من احسن التمرينات واكثر فاعلية لبناء الجزء العلوى من الجسم وحيكون شكله زى جسم المصارع، معظم الفورم مش بتحب التمريينان دول علشان انت بتكون عكس الجاذبية وبترفع جسمك كله لفوق فالموضوع صعب وفى تحدى مش اى فورما يقدر يعمله.

 

ما تنخدعش يا فورما بتدريب الـbodyweight، التدريب ده فى تحدى جامد وكمان فعال، ومش حتزهق منه زى رفع الـweights، أنت حتحصل على اللياقة سواء عملت اى واحد فيهم، والقرار قرارك يا فورما.

 

الجرى والملاكمة والفنون القتالية والرياضيون كلهم بيعتمدوا على تمرينات الـbodyweight علشان تبنى عضلات، وكمان التدريب ده بيحافظ على تحدى جسمك بالتمارين اللى بتحتاج للقوة علشان تبنى عضلات، العضلات اللى حتساعدك من غير ما تبالغ فى أمور العناصر الغذائية.

 

اللى بيخلى تدريب الـbodyweight مشهور بين الفورم انه فى تحدى باستمرار، كل ما عضلات بتقوى كل ما جسمك حيقدر يتمرن اكتر وتبنى عضلات اكتر واكبر.

 

أنت ممكن تتحدى نفسك اكتر لما تحط weights لتدريب الـbodyweight زى الـweights اللى بتتحط على المعصم وعلى مفصل الساق ودول حيزودوا من التوازن وتقوية الضهر اكتر وتساعد على تقوية العضلات اكتر واسرع.

ممكن تستخدم اى حاجة حواليك علشان تساعدك فى تقوية عضلاتك، ممكن تستخدم سلة الغسيل وانت بتعمل تمرينة الـlunges او تستخدم كتب سميكة وانت بتعمل تمرينة الـpush-ups. أهم حاجة يا فورما انك تستمتع بالتمارين وانت حتلاقى النتيجة.

 

التعليقات

التعليقات

الصعود لأعلى