أول خطوة يا فورما للياقة الدائمه - يلافورما
الرئيسية » تمارين لياقة » أول خطوة يا فورما للياقة الدائمه

أول خطوة يا فورما للياقة الدائمه

أول خطوة يا فورما للياقة الدائمه

للياقة الدائمه

بيبدأ تغيير الجسم من العقل مش من بداية الدايت أو/وأشتراكك  فى جيم، علشان كده لازم تبتدى تحب وتحترم ذاتك وتفهم ان عقلك وجسمك مترابطين مع بعض، وأحسن طريقه علشان تبنى جسمك صح لما تخلى عقلك وجسمك يتحدوا مع بعض، مش عن طريق تعذيب واحد منهم علشان تحسن من الأخر، بالتالى الأختيارات المفروض تخذها تكون نابعه عن الحب، حب واحترام نفسك فى الوقت ده بس حتبدأ فعلاً بتغيير وتحصل على لياقة دائمه.

زمان يا فورما، كنا مجبرين اننا نتابع قوانين بنكرها علشان نكون فى الفورما ويكون شكل جسمنا جذاب، مؤقتاً، لحد ما نرجع تانى لنقطة البداية، كل ما نكرر العملية تانى، تكون أصعب من الأول، الحل اننا نغيير سلوكنا، والطريقه اللى احنا بنحسها، بدل ما نتابع اللسته المفروض يكون عندنا فضول بالحاجات المفروض نأكلها لأن ده اللى حنبنى بيه اساسيات جسمنا الجديد، ممكن يا فورما تدور على فوائد الأكل قبل ما تأكله علشان تقنع نفسك أنه مفيد لجسمك وتحب تأكله أكتر، وكل ما تعرف فوائد الأكل كل ما ده حيساعدك أنك تغيير جسمك للأحسن، أنت كمان مش المفروض تعمل التمارين اللى أنت بتكرها وتتوقع نتائج إجابية، بس لو أنت لازم تعمل تمارين معينة علشان تبنى عضلة معينة لازم تعود نفسك انك تحبها، والأحسن أنك تختار رياضتك، وطريقتك علشان تكون نشط اكتر، سواء كانت:

  • جرى
  • عجل
  • سباحة
  • رياضة جماعية (زى: الكرة السلة والكرة الطيره)
  • تنس
  • اسكواش

دور يافورما على الرياضة اللى تسعدك وكمان تتحرك فيها، أنت محتاج تدور وتجرب كذا رياضة علشان تعرف انهي رياضة مناسبه ليك.

أفتكر يا فورما انك محتاج تشكل تفكيرك علشان تشكل جسمك، علشان كده عامل جسمك بحترام ومده بكل الحاجات اللى محتاجها، وأختار النشاط اللى أنت حتمارسه والأكل اللى أنت حتأكل عن اقتناع.


التعليقات

التعليقات

الصعود لأعلى