أنواع الـ Bulking وايه المناسب لسرعه حرقك للدهون؟ - يلافورما
الرئيسية » تغذية » أنواع الـ Bulking وايه المناسب لسرعه حرقك للدهون؟

أنواع الـ Bulking وايه المناسب لسرعه حرقك للدهون؟

أنواع الـ Bulking وايه المناسب لسرعه حرقك للدهون؟

بيعتقد الكثير من Bodybuilders ان مرحله الـ Bulking هو أكل اى نوع أكل وفى اى وقت علشان يزودوا من وزنهم، فى الحقيقة فى 3 أنواع للـ Bulking وهما: Clean Bulk وRegular Bulk وDirty bulk، عامتاً المفروض تعمل Bulking مناسب وصحى لمده 6-7 أشهر قبل ما تبدأ المرحله الـ Cutting.

أنواع الـ Bulking

  • Clean Bulking

أنت بتتبع الـ Clean Bulking لما تحاول تبنى كتله عضلية من غير دهون وفى نفس الوقت انت بتشوف وتحسب كميه الدهون اللى انت بتتناولها، مثلاً لو انت حتجرب تتبع الـ clean bulk أنت لازم تتجنب الحلويات (خصوصاً الـ Candy) والصودا والبطاطس الشيبسى والبيتزا والهمبرجر وكل انواع الوجبات السريعه، الأحسن أنك تأكل رز وباستا وفواكه وجبنة قريش وصدر فرخة من غير دهون وديك رومى من غير دهن وتونة ولحمه حمراء من غير دهن ولبن من غير دسم وأنواع أكل صحيه تانية، النوع ده من الـ Bulking بيناسب الفورم اللى معدل حرقهم بطيئ.

ايه الأكل المفروض تأكله وأنت بتتبع الـ Clean Bulking؟

  • رز
  • باستا
  • عيش
  • صدر فرخة
  • صدر ديك رومى
  • سمك
  • تونة
  • زبادى قليل الدسم
  • لبن خالى الدسم او 0% دسم
  • لحمه حمراء من غير دهن
  • جبنة قريش

 
  • Regular “Big” Bulking
 

أنت بتتبع الـ Regular Bulking لما تحاول تبنى كتله عضليه على قد ما تقدر وفى نفس الوقت بتشوف وبتحسب كميه الدهون اللى انت بتتناولها بأعتدال، مثلاً لو انت حتجرب تتبع الـ Regular Bulk انت حتحاول تبعد عن الوجبات السريعة، وممكن تأكل لحمه حمراء وصدر فرخة وتونة ولبن خالى الدسم وزبادى قليل الدسم وبيض وبيتزا وعيش وبقوليات وفواكه وأنواع أكل تانية، النوع ده من الـ Bulking مناسب للفورم اللى معدل حرقهم متوسط.

ايه الأكل المفروض تأكله وأنت بتتبع الـ Regular Bulking؟

  • صدر ديك رومى
  • تونة
  • لحمه حمراء
  • سمك
  • زبادى قليل الدسم
  • لبن 1% دسم
  • رز
  • جبنة قريش
  • جبنة
  • عيش
  • بيض
  • زبدة الفول السودانى

 
  • Dirty Bulking
 

أنت بتتبع الـ Dirty Bulking لما تحاول تحصل على كتله عضليه على قد ما تقدر من غير ما تشوف او تحسب كميه الدهون اللى انت بتتناولها، مثلاً، لو أنت حتجرب تتبع الـ dirty bulk أنت مش محتاج تتجنب اى نوع أكل، بمعنى انت مسموحلك تأكل وجبات سريعة وكل السناكس اللى انت عايزها اللى حيأدى على حصول على دهون كتيره، النوع ده من الـ bulking مناسب للفورم اللى معدل الحرق بتاعهم عالى.

ايه الأكل المفروض تأكله وأنت بتتبع الـ Dirty Bulking؟

  • بيتزا
  • همبرجر
  • Cheeseburgers
  • زبدة الفول السودانى
  • strips فراخ او ناجتس
  • بيض
  • جبنة
  • لحمه حمراء
  • صدر فراخ
  • تونة

أيه أحسن نوع Bulking فى التلاته؟

زى ما قولنا فوق كل نوع بيعتمد على معدل حرقك للدهون وأهدافك، فلو انت معدل حرقك للدهون بطيئ جرب تتبع الـ clean bulk او الـ regular bulk، ولو معدل حرقك للدهون عالى/سريع جرب تتبع الـ dirty bulk، من الأخر كده مافيش نوع bulk احسن من التانى، كله بيعتمد على أهدافك وعلى معدل حرقك للدهون.

الأكل المفروض تتجنبه وأنت بتتبع اى نوع bulking لأنهم مش بيحتوى على اى نسبه بروتين:

  • صودا
  • Candy
  • بطاطس شيبسى
  • عصائر مسكرة
  • وجبات سريعة غير صحية ومدهننه
  • كربوهيدات بسيطة


التعليقات

التعليقات

الصعود لأعلى