أزاى تنقص 500 من السعرات الحرارية فى اليوم؟ - يلافورما
الرئيسية » تغذية » إنقاص الوزن » أزاى تنقص 500 من السعرات الحرارية فى اليوم؟

أزاى تنقص 500 من السعرات الحرارية فى اليوم؟

أزاى تنقص 500 من السعرات الحرارية فى اليوم؟

 

من أنجح أنواع الدايت، إنك تقلل السعرات الحرارية من وجباتك اليومية، من خلال النوع دة من الدايت تقدر  تخس 1 كيلو فى الاسبوع بسهولة، ممكن تستعمل الخطوات دى علشان تنّزل وزنك وتبقى رشيق فى مدة قليلة.

أزاى تنقص 500 من السعرات الحرارية فى اليوم؟

 

  • خليك دايماً نشيط

متكنش كسول،إتمشى وانت بتتكلم فى التليفون أو نط الحبل كذا مرة، اطلع السلم بدل ما تركب الاسنسير، أتمشى لشغلك بدل ما تركب العربية .

 

  • حس بالشبع مع الاكل

أنت  تقدر تاكل وفى نفس الوقت تحس أنك خفيف، لو اكلت على الفطار 2 بيضة مسلوقة علشان تشبع، أوقبل الغذاء تستمتع بمج شوربة مفهوش سعرات حرارية.

 

  • ابعد عن البندق

البندق فية دهون صحية للقلب، ولكنها عالية فى سعراتها الحرارية، ابعد عنها يا فورما خصوصا لو كانت فى بولة كبيرة، وكل فستق أحسن لأن قبضتين بتحتوى على 159 من السعرات حرارية.

 

  • متكلش امام التلفزيون

طبقا للابحاث، هتاكل اكتر من 288 سعرات حرارية زيادة وانت بتتفرج على التلفزيون، علشان كده  كل على السفرة علشان ما تزودش الكالوريز.

 

  • كل سلطة بدون توابل

طبق السلطة بيكون صحى اكتر لو مفهوش توابل، وبكده تقدر توفر 500 أو اكتر كالوريز، ممكن  تحط نكهات تكون قليلة السعرات (فلفل مشوى فى الفرن  وبصل مشوى أو مشروم) واستعمل نص كمية التوابل.

 

  • استعمل اطباق أصغر

وبكده هتقلل من 20 الى 25% كالوريز من غير ما تحس بالجوع.

أزاى تنقص 500 من السعرات الحرارية فى اليوم؟

  • متحطش كريم ويب فى مشروبك

لو أنت من عشاق الكابتشينو أوالموكا  ولاتيه:  يبقي لازم تنسى تحط كريم ويب عليها خالص، لأن تزيين القهوه بكريم ويب أو لبن كامل الدسم أو شربات مع الأحجام الكبيره  كل ده بيحتوى على 670 سعرة حرارية.

 

  • قلل من البطاطس المقليه

يستحسن  أنك تبطل اكل البطاطس المقليه، لأنها مليانه دهون وكربوهيدرات ملهاش لازمه.

 

  • اشرب كوكتيل من غير سكر

أطلب  كوكتيل بالصودا أو بميه غازية معدنية أو بالحمضيات، بدل السكر علشان تقلل السعرات الحراريه.

 

  • كل مكرونة  وباستا اقل

كوبايه واحده من  مكرونة الباستا فيها 220 كالوريز، حاول يا فورما متاكلش كتير منها، علشان فيها كربوهيدرات عالية، لو عايز تاكل باستا كل معها خضار زي البروكلى.

 

  • خلى حلوياتك قطع صغيره

كل  قطع صغيره من الحلويات اللى انت بتحبها، وبكده تكون اكلت اللى نفسك فيه وبكالوريز اقل.

 

  • احترس من الزيوت

حاول  متستعملش زيت كتير، ممكن تستعمل بداله زيت زيتون أو تاكل الأكل مشوى أو مطبوخ على البخار، علشان تقلل من السعرات الحرارية.

 

  • نام كويس

الناس اللى مابتنمش كفايه، ممكن تاكل اكتر بالنهار، نام  اكتر علشان توفر 1,087 كالوريز.

 

  • قلل من شرب الصودا

354 مللٍ من المشروبات الغازية فيها حوالى 150 إلى 180 كالوريز، لو أنت قللت شرب الصودا فى اليوم هتقلل السعرات الحرارية، ممكن تشرب بدلها مية أحسن ووفر 540 كالوريز أو ممكن تشرب صودا دايت لو نفسك فيها أوى.

 

  • استعمل بدائل السكر

591 مللِ شاى وقهوة مع إضافة السكر الابيض، هيزودك 400 كالوريز، اشرب سكر الرجيم او السكر البني فى القهوه والشاى، وأنت حتوفر 400  كالوريز.

 

  • كتر من اكل الألياف

       بدل ماتحرم نفسك من الأكل وتعُد جعان، كُـل اكل مليان مية أو ألياف زي الفاكهة والخضار والبقوليات.

 


التعليقات

التعليقات

الصعود لأعلى