أحسن وصفات البروتين لأبطال كمال الأجسام - يلافورما
الرئيسية » تغذية » أحسن وصفات البروتين لأبطال كمال الأجسام

أحسن وصفات البروتين لأبطال كمال الأجسام

أحسن وصفات البروتين لأبطال كمال الأجسام

البروتين واحد من اهم 3 عناصر غذائية بيحتاجها الجسم، وده بتلاقيه فى اللحمة والسمك والفراخ والبقوليات واللبن ومنتجات الصويا وبعض أنواع المكسرات والحبوب، كمال الأجسام والـweight lifters عارفين أنهم محتاجين بروتين عالى فى الدايت بتاعهم علشان يحافظوا على جسمهم ويبنوا كتلات عضلية اكتر لأنها مهمه جداً لرياضتهم، كمان العضلات بتتبنى عن طريق البروتين، ساعات لاعبي كمال الأجسام والـweight lifters بيعتقدوا انهم محتاجين بروتين بنسب عالية، بس فى الحقيقة كتر البروتين ممكن يسبب ضرر اكتر من انه صحى، فى المقال ده  احنا جبنالك وصفات سهلة وكمان بتحتوى على نسب مناسبة وصحية من البروتين، يلا بينا نتعرف عليهم!!!

وصفات البروتين:

  • مشروب الموز والشوفان البروتينى: موزة + ½ كوباية شوفان + كوباية لبن خالى الدسم + معلقتين من بدره whey protein فى الخلاط - بيحتوى على 544 كالوريز و 59 جرام بروتين.
  • مشروب الموز مع القرفة وزبدة الفول السودانى: موزة + كوباية لبن خالى الدسم + معلقة بودرة بروتين القرفة + معلقة من زبدة الفول السودانى فى الخلاط - بيحتوى على 391 كالوريز و38 جرام بروتين.
  • مشروب الموز مع زبدة الفول السودانى: موزة + كوباية لبن خالى الدسم + معلقتين من بودره whey protein + معلقة زبدة الفول السودانى فى الخلاط - بيحتوى على 498 كالوريز و53 جرام بروتين.
  • مشروب الموز مع اللوز: موزة + 5 لوزات + كوباية ميه متلجة + كوباية شوفان + كوباية زبادى + معلقة من بودرة البروتين فى الخلاط - بيحتوى على 651 كالوريز و53 جرام بروتين.
  • الفطار بيض اومليت بالجبنة: 5 بيضات + 30 جرام من جبنة موتزريلا قليلة الدسم + 30 جرام مشروم مقطع + بصلة مقطعة + 15 جرام زيتون أسود + ½ معلقة فلفل أسود - بتحتوى على 370 كالوريز و45 جرام بروتين.
  • الفطار بيض اومليت بالشطة: 4 بيضات + 50 جرام جبنة قريش + ¼ بصلة مقطعة + فصّ توم + اعشاب منوعة + معلقة فلفل أحمر + شريحتين من العيش البنى الكامل - بتحتوى على 507 كالوريز و50 جرام بروتين.
  • فراخ قليلة الدسم مع الكارى لكمال الأجسام: 4 قطع صدور فراخ مخلية + كوباية من المشروم المقطع + كوباية فاصوليا خضرة + كوباية زبادى + معلقة فلفل أحمر + زيت زيتون + معلقتين من بدرة الكارى.
  • بروكلى بالتوم: 4 فصوص توم + 4 كوبيات بروكلى + زيت زيتون + ½ كوباية ميه - ده مناسب جداً للفورم اللى بيعملوا دايت، لأنها بتحتوى على 44 كالوريز و2 جرام بروتين.

التعليقات

التعليقات

الصعود لأعلى