أحسن أكلات لتسريع عمليه تعافى العضلات بعد التدريب - يلافورما
الرئيسية » تغذية » أكلات صحية » أحسن أكلات لتسريع عمليه تعافى العضلات بعد التدريب

أحسن أكلات لتسريع عمليه تعافى العضلات بعد التدريب

أحسن أكلات لتسريع عمليه تعافى العضلات بعد التدريب

بعد اى تمرين شديد انت بتعمله بتلاقى ان عضلاتك شدت وبقت توجعك، وعلشان تتجنب الشد العضلى وآلام العضلات وتستعيد طاقتك كمان، انت محتاج تأكل الأكلات اللى بتسرع فى عمليه تعافى العضلات بعد التدريب.

أحسن أكلات لتسريع عمليه تعافى العضلات بعد التدريب وهما:

 
  • الميه:
 

الميه مهمه لأنها بتخلى جسمنا رطب وكمان تخلينا نكمل ونبذل مجهود اكتر اثناء التدريب، ولو انت مخلتش جسمك رطب اثناء التدريب حتشعر بالدوخه والتعب وكمان يجيلك شد عضلى، علشان كده مهم اوى انك تشرب كوبايه ميه كل 10-20 دقيقة، لو طبيعه جسمك بتعرق كتير، يفضل انك تشرب ميه اكتر علشان تعوض جسمك الميه اللى انت خسرتها فى التدريب.

 
  • أكلات غنيه بالبوتاسيوم:
 

الشد العضلى هو عباره عن تقلصات غير متوقعه فى كذا عضله فى نفس الوقت، والشد العضلى بيحصل فى الجسم بسبب نقص عنصر غذائى معين زى البوتاسيوم، وانت ممكن تخسر عنصر البوتاسيوم اثناء العرق والحفاف، علشان كده يفضل انك تتناول 4.7 جرام من البوتاسيوم يومياً، ممكن تلاقى عنصر البوتاسيوم فى الأكلات الغنيه بالبروتين والخضار الأخضر، اتأكد انك تدخلهم فى  الدايت بتاعك علشان تتجنب الشد العضلى.

  • بروتين:

احنا قولنا فوق ان الميه والبوتاسيوم ليهم دور فى تسريع عمليه تعافى العضلات اما البروتين هو الأساس فى تعافى العضلات بمعنى انك ما تقدرش تستغنى عن البروتين، علشان كده يفضل انك تتناول البروتين بعد التدريب سواء على شكل shake او الوجبه بحتوى على نسبه عاليه من البروتين، تعرف ان البروتين بيساعد على تعافى الألياف اللى مصابه فى العضله نتيجه التدريب ويمد جسمك بالطاقه تانى، بالتالى يفضل انك تتناول 0.80 جرام من البروتين لكل كيلو من وزن جسمك.

  • السلمون:

 السلمون معروف انه سمك غنى بزيت الأوميجا 3، والأوميجا 3 بتحتوى على EPA وDHA اللى مضاد للأتهاب، وبالتالى العنصرين دول بيساعدوا فى تقليل الإلتهاب.

 
  • التوت البرى:
 

تعرف ان انت ممكن تضيف التوت البرى على البروتين shake بعد التدريب، لأن التوت البرى بيحتوى على مضادات للأكسده اللى بتمنع تلف عضلاتك بعد التدريب، shake التوت البرى مفيد جداً لأنه بيساعد فى تعافى العضلات وهو shake مناسب لقبل وبعد التدريب.

 
  • كربوهيدرات سريعه الهضم:
 

جسمك بعد التدريب بيحتاج كربوهيدات سريعه الهضم لأنك بتستهلك الجليكوجين اثناء التدريب، علشان كده تناول كربوهيدرات سريعه الهضم بعد التدريب لكى تمد جسمك تانى بالجليكوجين، أنت ممكن تتناول اى نوع من النشويات البيضه او فاكهه علشان تمد جسمك بالأنسولين خلال 10-15 دقيقه بعد التدريب.

 
  • كرز:
 

اثبتت دراسات كتيره ان عصير الكرز بيقلل من وجع العضلات والإلتهاب، المره الجايه، اشرب كوبايه عصير كرز علشان تقلل من الإلتهاب بعد تدريبك الشديد.


التعليقات

التعليقات

الصعود لأعلى