أتجنب اكتر 3 اخطاء فى الدايت - يلافورما
الرئيسية » تغذية » إنقاص الوزن » أتجنب اكتر 3 اخطاء فى الدايت

أتجنب اكتر 3 اخطاء فى الدايت

أتجنب اكتر 3 اخطاء فى الدايت

أتبع النصائح الغذائية دى علشان تكون فى الطريق السليم وتحصل على عضلات قوية

بنكون محتارين لما يجى الموضوع عن الدايت والتغذية، بسبب ان دراسة تقول كلام وتيجى دراسة تانية تقول حاجة تانية خالص، ونبقى مش عارفين مين الصح ومين الغلط فيهم.

علشان كده يلافورما حتقولك على اكتر 3 اخطاء فى الدايت اللى واضحين بالنسبة لتغذية الفورم اللى بيرفعوا احمال شديدة، لو انت يا فورما مش بتتمرن جامد فى الجيم، يبقى المقال ده مش مناسب ليك.

  • مش بتأكل بروتين كفاية

لو انت بتتمرن جامد وجاد انك تبنى كتله عضلية، انت محتاج على الأقل 1 جرام من البروتين لكل باوند من وزن جسمك، احسن حاجة، انك تأكل البروتين بنسبة 1.5 جرام/رطل من وزن جسمك.

حاول تحصل على عنصر البروتين من البيض واللحمه من غير دهون (زى الفراخ والسمك واللحمه الحمراء وهكذا)، ممكن نسبة البروتين تكون صعبه شوية انك توصل لها، علشان كده ضيف شوية بروتين shakes فى الدايت بتاعك، وبكده تقدر توصل للنسبة البروتين المفروض تاكلها فى اليوم.

  • بتأكل كربوهيدرات مضرة

مش مهم انك بتأكل كمية اد ايه من الكربوهيدرات، اد ما هو المهم نوع الكربوهيدرات اللى انت بتأكلها، المفروض تأخد عنصر الكربوهيدرات من المصادر زى الخضروات وشوية فاكهه والحبوب الكامله وبقوليات.

أبعد عن الكربوهيدرات البسيطة، الاحسن انك تاكل كربوهيدرات مركبة اللى بتاخد وقت اطول علشان الجسم يهضمها، بالتالى يكون عندك كمية هائلة للطاقة للتمرين القادم مش طاقة مؤقته.

  • بتفوت الوجبات

مش معقول انك ما تفطرش ولا تتغدا وتأكل اد كده على العشاء وتتوقع كمان انك تكبر عضلاتك انت كده بتخلى جسمك يكبر على شكل الكورة، المفروض تأكل 3 وجبات و2 سناكس فى اليوم، ممكن يكون وجباتك بطريقة دى:

  • الوجبة 1: فطار

  • الوجبة 2: بروتين shake

  • الوجبة 3: الغداء

  • الوجبة 4: بروتين shake

  • الوجبة 5: العشاء

  • الوجبة 6: بروتين shake قبل ما تنام (اختيارى)

معلومه مهمه تانية هى مواعيد الأكل، معظم الكربوهيدرات المفروض تأكلها قبل وبعد التدريب، علشان تمدك بالطاقة للتدريب القادم وكمان تقدر تعوض الجليكوجين اللى انت حرقته اثناء التدريب الشديد.


التعليقات

التعليقات

الصعود لأعلى